As rías da costa atlántica galega non sempre estiveron aí. Hai 6000 anos tomaron a forma que agora podemos gozar. ¿Cantas historias se poderían contar?
Nunha delas, no fondo da Ría de Vigo, máis alá da ponte de Rande, onde as illas Alvedosas son vixiadas polas de San Antón e San Simón, o Concello de Vilaboa ten un patrimonio natural de moito valor. Parte del agochado baixo as augas salgadas e doces mesturadas do atlántico e do río Verdugo.
